salamat sa pagtawag...

American companies outsource here in the Philippines kasi opinion nila na Filipinos are service-oriented and generally "mabait" when it comes to dealing with customers. Pero dito mismo sa Pilipinas, 'yung Customer Care groups ng ibang companies, walang kakwenta-kwenta. Sarap itapon. Rar!

And my rants are just brought up by one simple concern: to activate my voicemail account, that is. Dalawa na nga 'yun SIM ko, as I have mentioned. At dahil wala namang Number Portability dito sa Pilipinas (portability means you can take your number to another wireless carrier, namen! Trabaho nga namin 'yun e!), importante sa akin na when people want to reach me, I can inform them to try my other sim or just leave a vm message. Syemps, maarte na ang lolo mo. Wala kayo pakialam... hehehe!

So I called Sun Cellular customer care department last night. Excited e. 11pm last night, dahil ang hirap nila ma-contact during office hours. Boring IVR (or automated system). If Americans hate the long wait over an IVR that would lead them to incorrect departments, baka gusto nila dito sa Pilipinas. Three options lang, may kausap ka na kaagad. And straight to the point din, walang masyadong scripting na "I'll be happy to activate your voicemail, sir." Well, pinoy-to-pinoy kasi e. Siguro kaya ganun.

Thank you sa mga nakausap ko dun sa Sun, mababait sila sa mga customer na hindi kabisado ang number nila. Hehe! Ang nakakapikon lang, 24 hours pa bago ma-activate ang voicemail! Napahiya pa nga ako kasi tumawag ulit ako kaninang umaga dahil ayoko maniwalang 24 hours talaga. Sabi nung rep sa akin, "Base po sa records namin, tumawag na po kayo para ipa-activate ang voicemail niyo... paki-monitor na lang po within 24 hours..." A, ok. So totoong ganun nga siya katagal. Nyemas naman o! Ang nakakaasar pa, yun tatlong access numbers na binigay nila sa akin to dial to access my voicemail, lahat ayaw gumana. Rar! Nakakainis, at least sa Smart tatawag ka lang, once lang OK na. Or so I thought.

So tawag naman akong Smart Communications. At dahil 20 million daw ang subscribers nila, as if sabay-sabay tatawag lahat 'yun, kanina 4am lang ako nakatyempo. Kung ako ang CSR ng Smart, iisipin ko "praning 'tong customer na 'to, alas-kwatro ng umaga tatawag para lang sa voicemail..." So inayos naman niya. Mega-remind pa na "P6.50 everytime you dial 100 for your voicemail..." I dialled 100, ayaw pa rin. Tawag ako ng 7am, "I'm sorry for the inconvenience sir, pero 'yun lang po talaga ang pwede nating gawin e (ang ma-charge ng P6.50 for every call to 100, that is)." No offense meant pare, pero hindi mo ata na-gets 'yun tanong ko. Sabi ko, "hindi ko ma-access e, puro busy tone lang..." At ang sasabihin mo sa akin paki-dial na lang ang 100 at P6.50 per call? Hay! Nat lisening! Kaya tumawag na naman ako ng 2pm (makikipagsiksikan ka sa ibang subscribers na tumatawag, grabe queueing ang Smart!) para ipaayos.

Their magic words: "Na-take note na po namin ang concern niyo para ma-check ng technical department namin, pero for now paki-monitor na lang po within 24 hours..." After the call, I dialled 100. Voila! May voicemail na! 'Yun sana 'yung ginawa nung dude na nakausap ko kanina. OK lang pare, pareho tayong hindi morning person, hehe! Kasi the last time na nangyari sa 'kin 'yun, ganun din ang sabi ng CSR at gumana rin siya right after. Gaguhan ata 'to e. Kailangan ata talaga ng follow-up call e no?

'Yun lang naman. Sa ngayon, may voicemail na ulit ako sa Smart. I'll be swapping SIMs every now and then kasi. Ang moral lesson: never ever be an irate caller. Always try your best to be nice to CSRs instead of being bitchy and rude. Three things: they're humans (entitled to make mistakes sometimes), they're tied up to the systems that they're using (therefore you just need to wait), and you'll never know what they can do with your account. Haha! Pero 'yun. Mahirap bang maging mabait? Hindi naman e!

Another realization: minsan talaga we tend to neglect our very own 'stuff.' Panay ang pasikat natin sa mga Amerikano na 'yan, pero customer care natin, I'm sorry, pero it sucks. Hindi lang customer care, service na rin mismo. Invalid access numbers, calls that can't go through, dropped calls. Ang liit-liit ng bansa natin hindi natin maayos 'yung Telecommunication system natin. Not that nilalait ko ang Smart, Globe, at Sun Cellular. Pero minsan mapipikon ka talaga, di ba? Sana lang ayusin. Malaki-laki na ang nakukulimbat niyo sa amin dahil sa mga text promo niyong hindi namin hinihingi, so sana improvement naman sa services.

May shift na ako mamaya. 2am-1pm. Papasok ka nang madaling-araw, uuwi ka nang tanghaling tapat. OK lang, may Primetime access naman ako. Hehe! Thank you for calling na naman... Hmp!